Resposta sexual humana

Chámase resposta sexual humana ó conxunto de cambios psicofisiolóxicos que se producen no corpo humano ante un estímulo sexual, sexa cal for a fonte de desexo ou de excitación. Estes cambios prodúcense en calquera tipo de relación sexual e en calquera conduta sexual, e poden terminar en orgasmo ou non. No ámbito fisiolóxico, os cambios máis significativos que experimenta o corpo son^[1]:

• Afluencia de sangue ós vasos sanguíneos: as veas dilátanse e énchense de sangue (vasoconxestión), o cal provoca que o pene e o clítoris se poñan erectos.
• Aumento da tensión muscular (miotonía), o cal posibilita a súa posterior relaxación durante o orgasmo).

Estas dúas reaccións do organismo son as que producen as sensacións de calor, excitación, axitación ou rubor nas relacións sexuais.

1. ↑ Consejo de la Juventud de Andalucía. www.juntadeandalucia.es, ed. "Guía de mediadores de salud". Consultado o 14/01/2011.  (en castelán)